နေရာပြာင်းတဲ့ ဓူဝံကြယ်
ဗန်းမော်ဆရာတော်ကြီးသည် မင်းတုန်းမင်းလက်ထက်က ထင်ရှားလှသော ဆရာတော်ကြီးဖြစ်ပြီး သင်္ဂဇာဆရာတော်၊ ရွှေကျင်ဆရာတော်၊ သက်ပန်းဆရာတော် တို့နှင့် ခေတ်ပြိုင်ဖြစ်သည်။ ဥပုသ်နေ့တစ်ရက်တွင် ဆရာတော်သည် ကျောင်းတွင် နားနေခိုက် လူရွယ်နှစ်ဦးရောက်လာ၏။ ဆရာတော်အား ရိုသေစွာ ရှိခိုးပြီးနောက်-
“အရှင်ဘုရား-တပည့်တော်တို့ နှစ်ယောက်အား ဗုဒ္ဓရဲ့ စကြဝဠာအကြောင်း ဆွေးနွေးရင်းနဲ့ မြင်းမိုရ်တောင်အကြောင်း ဆွေးနွေးရာမှာ တပည့် တော်က မြင်းမိုရ်တောင်ဆိုတာ ခေါင်းပိတ်ကြီးပြောပေမဲ့ သူက ခေါင်းပွကြီးလို့ ဆိုပါတယ် ဘုရား။ ဒါကြောင့် ဘယ်သူက မှန်တယ် မှားတယ် ဆုံးဖြတ်ရအောင် ဆရာတော်ဆီ ရောက်လာတာပါရား။ ။
လို့ လျှောက်တော့ ဆရာတော်က---
“မင်းတို့နှစ်ယောက်က ဓူဝံကြယ်အကြောင်း ငြင်းခုန်တဲ့ မြေးအဘိုးလိုဖြစ် နေပြီ- ရှေးတုန်းက ရွာတစ်ရွာမှာ မြေးအဘိုးနှစ်ယောက်ဟာ လသာသာ တစ်ညမှာ အိမ်ရှေ့ ကွပ်ပျစ်မှာထိုင်ရင်း မြေးက အဘိုးကို ဓူဝံကြယ်ဆိုတာ ဘယ်ဟာလဲ မေးတယ်။ ဒီတော့ အဘိုးက ငါ့မြေးရယ် အ,လိုက်တာ။ ဓူဝံကြယ်ဆိုတာ တောင်ဘက်မှာ လင်းနေ တဲ့ ကြယ်ကြီးပေါ့-လို့ဖြေလိုက်တော့---မြေးက “ဟာ-အဘ-ဒါဆို-ကျနော် ကြားဖူး တာနဲ့ လွဲနေပြီ-မြောက်မှာ ဓူဝံ၊ တောင်မှာ တံငါကျွန်လို့ပဲ ကြားဖူးတယ်ပြောတော့ အဘိုးက ဒု က္ခ ရောက်သွားတာပေါ့ -သူ ကလည်း ဓူဝံကြယ် သေသေချာချာမှ မသိတာပဲ- ယောင်ဝါးဝါးနဲ့ - ဒီတော့ မြေးရှေ့မှာ မှားကြောင်း ဝန်မခံချင်တာနဲ့ အရှက်ပြေ ပဲ-“အော်-ငါ့ မြေးက သေသေချာချာ မသိလို့ ပါ-မြောက် မှာ ဓူဝံကြယ်ဆိုတာ အရင်က ဟုတ်ပေမဲ့ အခုဓူဝံကြယ်က တောင်ဘက်ပြောင်းသွားပြီကွ ပြောင်းသွားတာလေးငါးရက်ပဲရှိသေးတယ်လို့ ခပ်တည်တည်ပြီးလိုက်တယ်ဆိုပါတော့”
“တင်ပါ့ ဘုရား”
“နောက်ဘာဆက်ပြောသလဲဆိုတော့-ရှူးတိုးတိုးကွာ-သူများတွေကြားသွား မယ်-ဓူဝံကြယ်ပြောင်းသွားတာ ဘယ်သူမှ မသိသေးဘူ။ အဘိုတစ်ယောက်ပဲ သိတာ” လို့ နှုတ်ပိတ်လိုက်သတဲ့။
အဘိုးဖြစ်သူက အတည်ပေါက်နှင့် ပြောလိုက်ခြင်းဖြစ်ပေသည်။ ဆရာတော် က ဆက်၍ ဒကာတို့-မင်းတို့ပြောတဲ့မြင်းမိုရ်တောင်ဟာ အခေါင်းကြီးလား၊ အပိတ်ကြီး လားဆိုတာ ဘယ်သူမှ သေသေချာချာ မသိဘူးမဟုတ်လား-သို့ သော်- “တောင်” ဆိုတာ အခေါင်းကြီးရယ်လို့ တော့မရှိဘ ဒကာတို့ ဒီတော့ ဒကာတို့ကို ဖြေရတာ ခက်တယ်။ အဘပြောသလိုပဲ-သူများတွေကြားသွားမယ်လို့ပဲ အဖြေပေးပါရစေ” ဗန်းမော်ဆရာတော်ကြီး၏ တင်စားချက်ကား ကောင်းမွန် ရှင်းလင်းလှပေရ ကား လူငယ်နှစ်ဦးလည်း ကျေနပ်ကာ ကန်တော့၍ ပြန်သွားကြလေသည်။
သီရိချမ်းသာ
(ဗန်းမော်ဆရာတော်ပုံပြင်များမှ)
အေရှ့အိမ်ပုံနှိပ်တိုက်၏ မူပိုင် အဖြစ်ထုတ်ေ၀သောစာအုပ်များမှ သုကထာ စာစဥ်အတဲွ (၁) အမှတ် (၁) မှ ကူးယူဖော်ပြထားပါသည်။
အေရှ့အိမ်ပုံနှိပ်တိုက်ထုတ်စာအုပ်များအားဝယ်ယူဖတ်ရှုလိုပါက အမြို့မြို့အနယ်နယ်ရှိ စာအုပ်တိုက်များ (သို့မဟုတ်) အေရှ့အိမ်ုံနှိပ်တိုက်တွင် ဝယ်ယူဖတ်ရှုနိုင်ပါသည်။
Comments
Post a Comment