မင်္ဂလသုတ်
၁။ ယံ မင်္ဂလံ ဒွါဒသဟိ၊
စိန္တယိသု သဒေ၀ကာ။
သောတ္ထာနံ နာဓိဂစ္ဆန္တိ၊
အဋ္ဌတ္တိသဉ္စ မင်္ဂလံ။
၂။ ဒေသိတံ ဒေ၀ဒေဝေန၊
သဗ္ဗပါပဝိနာသနံ ။
သဗ္ဗလောကဟိတတ္ထာယ၊
မင်္ဂလံ တံ ဘဏာမ ဟေ။
၃။ ဧဝံ မေသုတံ -
ဧကံ သမယံ ဘဂဝါ
သာဝတ္ထိယံ ဝိဟရတိ
ဇေတ၀နေ အနာထပိဏ္ဍိကဿ
အာရာမေ။
အထ ခေါ အညတရာ ဒေဝတာ။
အဘိက္ကန္တာယ ရတ္တိယာ
အဘိက္ကန္တဝဏ္ဏ ကေ၀လကပ္ပံ ဇေတ၀နံ
ဩ ဘာသေတွာ
ယေန ဘဂဝါ, တေနုပသင်္ကမိ၊
ဥပသင်္ကမိတွာ, ဘဂဝန္တံ
အဘိဝါဒေတွာ ဧကမန္တံ အဋ္ဌာသိ။
ဧကမန္တံ ဌိတာ ခေါ သာ ဒေဝတာ၊
ဘဂဝန္တံ ဂါထာယ အဇ္ဈဘာသိ။
၄။ ဗဟူ ဒေဝါ မနု ဿာ စ၊
မင်္ဂလာနိ အစိန္တယုံ။
အာကင်္ခမာနာ သောတ္ထာနံ၊
ဗြူဟိ မင်္ဂလ မုတ္တမံ။
၅။ အသေဝနာ စ ဗာလာနံ၊
ပဏ္ဍိတာနဉ္စ သေ၀နာ။
ပူဇာ စ ပူဇနေယျာနံ၊
ဧတံ မင်္ဂလ' မုတ္တမံ။
၆။ ပတိရူပဒေသဝါသော စ၊
ပုဗ္ဗေ စ ကတပုညတာ။
အတ္တ သမ္မာပဏိဓိ စ၊
ဧတံ မင်္ဂလ” မုတ္တမံ။
၇။ ဗာဟုသစ္စဉ္စ သိပ္ပဉ္စ၊
ဝိနယော စ သုသိက္ခိတော။
သုဘာသိတာ စ ယာ ၀ါစာ၊
ဧတံ မင်္ဂလ မုတ္တမံ။
၈။ မာတာပိတု ဥပဋ္ဌာနံ၊
ပုတ္တဒါရဿ သင်္ဂဟော။
အနာကုလာ စ ကမ္မန္တာ၊
ဧတံ မင်္ဂလမုတ္တမံ။
၉။ ဒါနဉ္စ ဓမ္မစရိယာ စ၊
ဉာတကာနဉ္စ သင်္ဂဟော။
အန၀ဇ္ဇာနိ ကမ္မာနိ ၊
ဧတံ မင်္ဂလ မုတ္တမံ။
၁၀။ အာရတီ ဝိရတီ ပါပါ၊
မဇ္ဇပါနာ စ သံယမော။
အပ္ပမာဒေါ စ ဓမ္မေသု၊
ဧတံ မင်္ဂလ မုတ္တမံ။
၁၁။ ဂါရဝေါ စ နိဝါတာ စ၊
သန္တုဋ္ဌိ စ ကတညတာ။
ကာလေန ဓမ္မဿဝနံ ၊
ဧတံ မင်္ဂလ မုတ္တမံ။
၁၂။ ခန္တီ စ သောဝစဿတာ၊
သမဏာနဉ္စ ဒဿနံ။
ကာလေန ဓမ္မသာကစ္ဆာ၊
ဧတံ မင်္ဂလမုတ္တမံ။
၁၃။ တပေါ စ ဗြဟ္မစရိယဉ္စ၊
အရိယသစ္စာန ဒဿနံ။
နိဗ္ဗာန သစ္ဆိကိရိယာ စ၊
ဧတံ မင်္ဂလ မုတ္တမံ။
၁၄။ ဖုဋ္ဌဿ လောကဓမ္မေဟိ၊
စိတ္တံ ယဿ န ကမ္မတိ။
အသောကံ ဝိရဇံ ခေမံ၊
ဧတံ မင်္ဂလ ́မုတ္တမံ။
၁၅။ ဧတာဒိ သာနိ ကတွာန၊
သဗ္ဗတ္ထ မပရာဇိတာ။
သဗ္ဗတ္ထ သောတ္ထိ ဂစ္ဆန္တိ၊
တံ တေသံ မင်္ဂလ ́မုတ္တမံ။
မင်္ဂလသုတ္တ နိဋ္ဌိတံ။
<<မင်္ဂလသုတ်တော် ဝတ္ထုဖြစ်စဥ် >>
 |
| ဝယ်ယူဖတ်ရှုလိုပါက ၀၉ ၇၇၄၇၇၈၈၅၅ သို့ ဆက်သွယ်ဝယ်ယူနိုင်ပါသည်ခင်ဗျာ။ |
Comments
Post a Comment