ခန္ဓာနာမ်ရုပ်ထိုဝန်ထုပ်
ဦးခေါင်းထက်တွင်၊ ရွက်၍ တင်သည်
လေးပင်လှသည့် ထိုဝန်ထုပ်။
ပခုံးထက်တွင်၊ ထမ်း၍တင်သည်
လေးပင်လှသည့် ထိုဝန်ထုပ်။
ကျောကုန်းထက်တွင်၊ ပိုး၍တင်သည်
လေးပင်လှသည့် ထိုဝန်ထုပ်။
ဝန်ထုပ်များစွာ
လေးလံပါဘိ၊ ကိုယ်ပေါ်ပိလည်း
ကြီးလည်း ဝန်ထုပ်၊ အကျွန်ုပ်တို့ ၊
ဖြုတ်ခနဲချ၊၊ နားခွင့်ရက
ဝန်မှ ကင်းလွတ်နိုင်ခဲ့ပြီ။
ခန္ဓာနာမ်ရုပ်၊ ထိုဝန်ထုပ်လျှင်
အထုပ်တကာ၊ အလေးဆုံးပါတည့်
သိသာသိလည်း၊ ထမ်းပိုးမြဲပင်
ရှောင်လွှဲမရ၊ နားမရနှင့်
ခန္ဓာဝန်လေး လှသည်။
ငါးပါးခန္ဓာ၊ ရရှိလာက
ခန္ဓာခိုင်းရာ၊ လုပ်ရပါလည်း
အိုနာသေရေး၊ ကြောက်ဖွယ်ဘေးကို
ရှောင်ပြေးမရ၊ လွှဲမရနှင့် ၊
ဒုက္ခမျိုးစုံ ကြုံခဲ့ပြီ။
ခန္ဓာဘေးက ကြီးလှသည်။ ။
မောင်မောင်မိုးအောင်(စာပေဗိမာန်စာမူဆုရ )
 |
| လိပ်စာ -အမှတ်(၁၈၂)၊ ၃၅လမ်း(အလယ်ဘလောက်)၊ ေကျာက်တံတားမြို့နယ်။ ဖုန်းနံပါတ် - ၀၉ ၇၇၄ ၇၇၈၈၅၅ |
Comments
Post a Comment