ကံ့ကော်ပန်း
တန်ခူးလ၏ အထိမ်းအမှတ်ပန်းသည် ကံ့ကော်ပန်းဖြစ်၏။ ကံ့ကော် (Gangaw) ၏ရုက္ခဗေဒအမည်မှာMesua Ferreaြဖစ်၏။ မျိုးရင်းမှာ Calophyllaceae ဖြစ်၏။
ကံ့ကော်သည် မူလဖြစ်ထွန်းရာ အထက်မြန်မာနိုင်ငံနှင့် တနင်္သာရီနယ်တို့တွင် အမြင့်ပေ-၈ဝ၊ လုံးပတ် ဆယ်ပေထိရှိသော အရိပ်အာဝါသကောင်းသည့် သစ်ပင် မျိုးဖြစ်သည်။ အမြဲစိမ်းပင်ကြီးမျိုးဖြစ်၏ ။ ပင်စည်ဖြောင့်မတ်၍ အခေါက်ကြမ်းသည်။ အကိုင်းအခက်များစွာ ဖြာထွက်သည်။
အရွက်သည် ရှည်မျောမျောပုံ ဖြစ်သည်။ ရွက်ထိပ်ချွန်၍ ရွက်ရင်းဝိုင်း သို့မဟုတ် ချွန်သည်။ နုသောအခါ နီ၍ ရင့်သောအခါ စိမ်းလျက် ကျောက်တွင် အဖြူရောင်အမှုန်ကလေးများရှိသည်။ ရွက်ကြောများ နီးကပ်၍ ထင်ရှားသည်။
အပွင့်သည် တစ်ပွင့်တည်း (သို့မဟုတ်) စုပွင့်သည်။ အချင်းတစ်လက်မမှ သုံးလက်မအထိရှိပြီး ပွင့်ဖတ်အဖြူရောင်ရှိသည်။ အလယ်တွင် ဝါ၍ မွှေးပျံ့သော ဝတ်ဆံတို့သည် တစ်စုတဝေးတည်း လုံးထွေးနေ၏ ။
မြန်မာ့ဆေးကျမ်းများ အလိုအရ ကံ့ကော်သည် ဆေးဖက်ဝင်လှ၏။ အစာကို ကြေစေ၏။ သွေးဖောက်ပြန်ခြင်း၊ နှလုံးနာကျင် ခြင်း၊ အဆိပ်သင့်ခြင်း၊ ဆီးအိမ်နာခြင်း၊ ရောင်ရမ်းခြင်းများကို ပျောက်စေနိုင်၏။ အပွင့်၊ ဝတ်ဆံ၊ အစေ့၊ အမြစ်၊ အခေါက်နှင့် အဆီများကို ဆေးဝါးဖော်စပ်ရာတွင် အသုံးပြုကြသည်။ ။
ကိုးကား-ဝီကီပီးဒီယား
မြန်မာ့ဆယ့်နှစ်လရာသီပန်း
အေရှ့အိမ်ပုံနှိပ်တိုက်၏ မူပိုင် အဖြစ်ထုတ်ေ၀သောစာအုပ်များမှ သုကထာ စာစဥ်အတဲွ (၁) အမှတ် (၁) မှ ကူးယူဖော်ပြထားပါသည်။
အေရှ့အိမ်ပုံနှိပ်တိုက်ထုတ်စာအုပ်များအားဝယ်ယူဖတ်ရှုလိုပါက အမြို့မြို့အနယ်နယ်ရှိ စာအုပ်တိုက်များ (သို့မဟုတ်) အေရှ့အိမ်ုံနှိပ်တိုက်တွင် ဝယ်ယူဖတ်ရှုနိုင်ပါသည်။
Comments
Post a Comment