မင်္ဂလာပါ မြန်မာ
ကမ္ဘာတစ်ဝှမ်းရှိ နိုင်ငံအသီးသီးမှ လူများသည် တစ်ယောက်နှင့် တစ်ယောက် ဆံမိကြသောအခါ နှုတ်ခွန်းဆက်စကား ပြောကြသည်။ နိုင်ငံ၊ လူမျိုးနှင့် ပြောဆိုကြသည့် ဘာသာစကားမတူညီကြသော်လည်း နှုတ်ခွန်းဆက် စကား ပြောဆိုသော ဓလေ့မှာ အတူတူပင်ဖြစ်သည်။ မြန်မာနိုင်ငံတွင် ရိုးရာဘာသာယဉ်ကျေးမှုနှင့် ကိုက်ညီစွာ“မင်္ဂလာပါ” ဟု နတ်ခွန်းဆက်သကြသည်။ စာသင်ခန်း များတွင် ၎င်း၊ အခမ်းအနားများတွင်၎င်း၊ တွေ့ဆုံ နတ်ဆက်သောအခါ တွင်၎င်း “မင်္ဂလာ”ပါပြောဆိုလေ့ရှိသည်။ မင်္ဂလာရှိပါစေ၊ မင်္ဂလာတရားနှင့် ပြည့်စုံပါစေဟူသောအဓိပ္ပာယ်ဖြင့် နှုတ်ခွန်းဆက်သခြင်းဖြစ်သည်။
“မင်္ဂလာပါ” ဟူသော စကားသည် မင်္ဂလသုတ်မှ ဆင်းသက်လာ ခြင်းဖြစ်သည်။ မြတ်ဗုဒ္ဓဟောကြားတော်မူသော မင်္ဂလသုတ်သည် လောကီလူသားများ ကြီးပွားချမ်းသာရေး အတွက် အဓိကထား၍ ညွန်ကြားခဲ့သော တရားတော်ဖြစ်သည်။ မင်္ဂလသုတ်လာ တရားများကို လိုက်နာကျင့်ကြံသော သူသည် မင်္ဂလာရှိပြီး ကြီးပွားတိုးတက်နိုင်သည်။ ရှေးလူကြီးများသည် အဓိပ္ပာယ်ပြည့်ဝစွာဖြင့် “မင်္ဂလာ”ဟုနှုတ်ခွန်းဆက်သခြင်းဖြစ်သည်။
အမှန်စင်စစ် “မင်္ဂလာပါ”ဟူသော စကားသည် ကောင်းသောစကား “သုကထာ”ဖြစ်သည်။ မင်္ဂလသုတ်တွင်လာသော “သုဘာသိတဝါစာ” ကောင်းမွန်ချိုသာသော စကားကို ပြောဆိုခြင်းသည် မင်္ဂလာမည်၏ ဟူသော အချက်သည် “သုကထာ” ပင်ဖြစ်သည်။ ထို့ကြောင့်မင်္ဂလာပါဟုနှုတ်ခွန်းဆက်သခြင်းသည်“သုကထာ”စကားပြောခြင်းဖြစ်သည်။
နိုင်ငံခြားသား ဧည့်သည်များသည် မြန်မာနိုင်ငံသို့ ရောက်လာကြသောအခါ စကား မပကလာ ပီကလာဖြင့် “မင်္ဂလာ”ဟု လေးစားမြတ်နိုး တန်ဖိုးထား၍ နှုတ်ခွန်းဆက်တတ်ကြ သည်။ “မင်္ဂလာ”ပါဟု အဓိပ္ပာယ်ပြည့်ဝစွာ နှုတ်ခွန်းဆက်လေ့ရှိသော မြန်မာနိုင်ငံသူ နိုင်ငံသား
များသည် သုကထာ” ဂုဏ်နှင့်ပြည့်စုံသော မင်္ဂလာတရားများကို လိုက်နာကျင့်သုံးနိုင်ကြပြီး
ကြီးပွားတိုးတက်၍ မင်္ဂလာရှိသော နိုင်ငံသားများဖြစ်ကြပါစေဟု မေတ္တာရည် ဆန္ဒပြုလိုက်ရ ပါသည်။
မင်္ဂလာရှိကြပါစေ
သုကထာ အယ်ဒီတာအဖွဲ့
Comments
Post a Comment